Vi har samla eit ekspertpanel med djup innsikt i norsk og internasjonal politikk, økonomi og juss. På konferansen tek vi pulsen på situasjonen og ser nærare på kva konsekvensar dette kan få for næringslivet framover.

Sekvensen startar med innlegg frå dei fire ekspertane, før dei samlast til ein samtale leia av professor Ola Honningdal Grytten.

‍

Grytten er ein av Noregs fremste økonomiske historikarar og ein internasjonalt anerkjent ekspert på makroøkonomi, finanskriser og næringslivshistorie. Han har gjennom mange år vore spesialrådgivar for Norges Bank.

Gjennom si lange karriere, har han levert banebrytande forsking på historiske økonomiske data, nasjonal rekneskap og bustad- og finanskriser. Han har vore ei viktig stemme i samfunnsdebatten og er ofte brukt som ekspertkommentator i media. Med si unike evne til å kople historiske innsikter med dagens økonomiske utfordringar, gjev han verdifulle perspektiv på handelskrigar, marknadsuro og økonomiske rammevilkår for næringslivet.

‍

Ketil Solvik-Olsen kjem til Næringskonferansen Søre Sunnmøre for å dele sine perspektiv på rammevilkåra for norsk næringsliv og korleis den globale utviklinga påverkar oss. Solvik-Olsen har budd fleire periodar i USA, sist under den amerikanske valkampen i 2024, der han har fått innsikt i politiske straumar og avgjerdsprosessar som kan påverke Noreg.  Han er oppteken av dei stadig strengare reguleringar for det norske næringslivet har fått med auka skattebyrder som kan kvele gründerskap, omstilling og utvikling i næringslivet.

Langseth er ein av Norges leiande ekspertar på EU- og konkurranserett, med omfattande erfaring frå både norske domstolar og EFTA- og EU-domstolen. Han er rangert blant dei fremste konkurranserettsadvokatane i landet og har handtert komplekse juridiske prosessar både nasjonalt og internasjonalt.

No skal han leie gruppesøksmålet mot Staten om formuesskatt på arbeidande kapital som er basert på ein samanliknande studie som meiner at skatten bryt med grunnleggande menneskerettar. Det er Lars Oscar Øvstegård som står i spissen for søksmålet som utfordrar staten mot skatten som dei meiner er både konfiskatorisk og diskriminerande.

Vi er glade for å ønske Espen Remme velkommen som foredragshaldar på Næringskonferansen Søre Sunnmøre 2025. Med brei erfaring frå både privat og offentleg sektor og som tidlegare regiondirektør i NHO Møre og Romsdal, har han djup innsikt i næringspolitikk, bedriftsutvikling og eigarskapsstrukturar i Norge.

Som aksjonskoordinator for Aksjonen for Norsk Eierskap arbeider han aktivt for å sikre gode rammevilkår for norske private eigarar, som er avgjerande for å oppretthalde verdiskaping og arbeidsplassar i heile landet.

‍